Ríu Resecu

Ríu Resecu

Ríu Resecu

Ríu Resecu, El: Ríu que s’anicia pel sur de Los H.oos del Resecu. El calce encaxónase ensin agua dende El Resecu Cima, pos, solu cuerre l’agua col mal tiempu, tando ensuchu coles seques. Dende ehí, va colando per una h.oz que zarra les orielles casique dafechu, tando la oriella drecha muriada per La Llamona.

Darréu, aporta a El Resecu Baxu, onde s’asitia la mayada del mesmu nome. Perehí, les orielles mas espacioses allugen tamién la mayada de Les Texuques, onde remanez, nuna llamarga, el ríu xunto coles agues de La H.uente les Texuques, La Riega la Vergonzosa, y les que baxen de La Vega Orrial.

Dempués, cuerre per El Monte Palomberu y La Gurbezosa pa derrocar per La Mexona, nel norte d’El Bricial, finando, asina, un percorríu de malpenes dos kilómetros y mediu.