Toponímia - Pome

Pome

Pome: H.aedu allugáu baxo El Mirador d’El Rei. Asítiase nuna lladera solombría y mugosa, tando arrodiáu per los calces de tres ríos, asina: pel norte, la h.oz de La Beyera separtalu de Moroñes y de La Sierra La Muda; Pel noroeste, l’encaxonamientu d’El Ríu Pelabarda lu dixebra del Monte Corona y El H.aedu; y pel suroeste, el calce d’El Ríu Pomperi taráza-y les lladeres separtándolu d’El Monte Zrezal. Nesta viesca hai bedules, carbayos y teyes entemecios coles h.aes.

Ye mui foyuda y percoloría col camudamientu les estaciones y polo mesmo, tamién mui afayaiza pal ganáu que baxa, mesmamente, de les mayes vecines de La Cobertoria y Pandelescolines a pastiar. Amás, abeyúgense nella un buen golpe d’animales: los xabalinos, les rapiegues, los robecos, y bayura de páxaros.